காங்., பின்னடைவு: களமிறங்கும் பணம்

ராமநாதபுரம் மாவட்டம், திருவாடானை சட்டசபை தொகுதி வேட்பாளர்களாக, காங்., சிட்டிங் எம்.எல்.ஏ., கருமாணிக்கம், அ.தி.மு.க., - கீர்த்திகா, த.வெ.க., - ராஜீவ், நாம் தமிழர் - பிரேம்நாத் ஆகியோர் போட்டியிடுகின்றனர். அத்தொகுதியில் கரிய மாணிக்கம் அம்பலம், கே.ஆர்.ராமசாமி, தற்போது கருமாணிக்கம் என மூன்று தலைமுறைகளாக ஒரே குடும்பத்தைச் சேர்ந்தோரே எம்.எல்.ஏ.,வாகி வருகின்றனர். சிட்டிங் எம்.எல்.ஏ., கருமாணிக்கம், ஐந்து ஆண்டுகளாக தொகுதி பக்கமே வராததாலும், மக்கள் பிரச்னைகள் குறித்து கண்டுகொள்ளாததாலும், மக்கள் மற்றும் கூட்டணி கட்சியான தி.மு.க., நிர்வாகிகளிடம் கடும் அதிருப்தி நிலவுகிறது. அதனால், தி.மு.க.,வின் முக்கிய நிர்வாகிகள், அருகில் உள்ள தொகுதிகளுக்கு சென்று அங்கு களப்பணி ஆற்றி வருகின்றனர். அதிருப்தியை சரிசெய்ய, தி.மு.க., கட்சி நிர்வாகிகள் 'கவனிக்கப்'பட்டனர். இந்நிலையில், த.வெ.க., வேட்பாளரின் வேகம் மற்றும் அ.தி.மு.க., வேட்பாளருக்கு தொகுதியில் இருக்கும் மக்கள் செல்வாக்கு காரணமாக, காங்., பின்னடைவை சந்தித்துள்ளதாக தலைமைக்கு ஆய்வு நிறுவனம் தகவல் அளித்துள்ளது. எனவே, முதற்கட்டமாக தபால் ஓட்டுக்கு கொடுக்கப்பட்டுள்ளதாம். அதே அளவிற்கு பொது ஓட்டுகளுக்கும் தர, காங்., தரப்பு தயாராகி வருகிறது.